Telefon pa adulto mayor
t'ey pa yuda bo
Telefon pa adulto mayor ta un liña di telefon cu un number facil, 125, cu adultonan mayor na Aruba por yama.
Si bo tin mas cu 60 aña y ta sinti soledad, depresion, of bo mester di combersa cu un persona, bo por yama 125 di dialuna pa diabierna di 8.30AM pa 12.00PM.
Pakico e t’ey?
Hopi adulto mayor ta biba nan so y ta independiente, algo cu por hopi bon pero, esaki por tin su banda menos agradabel ora nos ta nos so henter ora… dia… siman..
Nos tur, como ser humano, mester di contacto social cu otro.
Telefon pa adulto mayor t ‘ey pa yuda den e momentonan cu bo ta sinti bo mes isola, exclui y/of bo so. Nos ta ofrece abo, adulto mayor, un orea cu ta scucha of un combersacion ameno.
Na unda e ta?
Telefon pa adulto mayor ta un parti di e Proyecto : “Mi ta inclui” di Club Kibrahacha 60+
E meta di e proyecto ta pa combati y preveni isolacion y soledad bou di adultonan mayor, nos grandinan.
Cu e iniciativa aki nos ta spera di por amplia e posibilidad pa aserca e grupo di adulto mayor cu ta sinti nan exclui for di nos comunidad.
Ken por yama 125 ?
Tur esnan cu ta di edad avansa y ta sinti e deseo pa hiba un combersacion ameno, haya un hende pa scucha bo, of pa comparti sentimentonan di alegria, di preocupacion, di tristesa, di soledad, of di disgusto.
Ki ora por yama?
Por lo pronto nos por ofrece tur dia di siman
- Dialuna pa diabierna
- 8 AM - 12 PM
Nos meta ta pa ta disponibel 7 dia pa siman.
